STEAM
სკოლებში
N1, 2022 N2, 2022 N1, 2023 N2, 2023
ინტერაქტიული STEM აქტივობები
PHET ინტერაქტიული სიმულაციები
ფიზიკა სკოლებში სიმულაციები და ანიმაციები
STEM და ელექტროინჟინერია
ინტერაქტიული ვირტუალური კვლევები სკოლებში
პროგრამირება და კოდირება სკოლაში
✅ 💻 საქართველოს განათლების, მეცნიერების, კულტურისა და სპორტის სამინისტრო „ახალი სკოლის მოდელის“ პროექტის ფარგლებში აძლიერებს დამხმარე ქართულენოვანი ელექტრონული რესურსების შექმნასა და მათ განვითარებაზე მუშაობას.
✔ ამ მიმართულებით, სამინისტროს ეროვნული სასწავლო გეგმის სამმართველოსა და მოწვეული ექსპერტების, ახალგაზრდა პროგრამისტებისა და დიზაინერების გუნდი 2019 წლიდან აქტიურად მუშაობს და დღეისათვის უკვე შექმნილია I-VI კლასის მოსწავლეებისთვის ქართულენოვანი დამხმარე ელექტრონული რესურსები სახვითი და გამოყენებითი ხელოვნებისა და ბუნებისმეტყველების მიმართულებით. შესაბამისად, მასწავლებლებსა და მოსწავლეებს დისტანციური სწავლა-სწავლების პროცესში უკვე შეუძლიათ აღნიშნული რესურსების სატესტო რეჟიმში გამოყენება:
„მტრედების გენეტიკა“
ინტერქტიული კვლევითი თამაში
თამაში შექმნილია და განთავსებული იუტას შტატის უნივერსიტეტის ვებგვერდზე. ის შედის პროგრამის „შეისწავლე გენეტიკა“ შემადგენლობაში: https://learn.genetics.utah.edu/
ვებგვერდის მისამართი:
https://learn.genetics.utah.edu/content/pigeons/pigeonetics/
თამაშის მიზანია დამემკვიდრების ძირითადი კანონების შესწავლის და გააზრების პროცესში, მოსწავლემ გაამრავლოს მტრედები საჭირო ნიშნების მიხედვით. წარმოდგენილი პრობლემური ამოცანების მიზანია, შეარჩიონ მტრედები სწორი გენოტიპით და მოაშენონ ისინი, რომ მიიღონ მითითებული ფენოტიპის შთამომავლობა. თამაში შედგება მზარდი სირთულის 26 თავსატეხის/გამოცანისგან.
ვირტუალური ლაბორატორიები ფიზიკაში, ბიოლოგიასა და ქიმიაში
„მასწავლებელთა და სკოლის დირექტორთა პროფესიული განვითარების პროექტის“ ფარგლებში, პროექტის საბუნებისმეტყველო მიმართულების ექსპერტების ჯგუფისა და გივი ზალდასტანიშვილის სახელობის ამერიკული აკადემიის ერთობლივი ძალისხმევით შეიქმნა ვირტუალური ლაბორატორიების ნაკრები ფიზიკაში, ბიოლოგიასა და ქიმიაში.
ვირტუალური ლაბორატორიების მიზანია საბუნებისმეტყველო საგნების სწავლებაში კვლევითი კომპონენტის გაძლიერება. მათი დახმარებით კვლევითი აქტივობების განხორციელება შესაძლებელია ლაბორატორიული აღჭურვილობისა და შესაბამისი სივრცის გარეშე, მხოლოდ კომპიუტერისა და ინტერნეტის გამოყენებით.
ვირუალური ლაბორატორიები იხილეთ: https://36253.8b.io/
Intel® Education Viewer - პროექტებით სწავლება
ინტელის სასწავლო კურსი მასწავლებლებს სთავაზობს პროექტებით სწავლებას. პროექტები შესაძლებლობას იძლევა, სასწავლო აქტივობები დაუკავშირდეს ავთენტურ და ცხოვრებისეულ კონტექსტს, მოსწავლეებს განუვითაროს 21-ე საუკუნის სააზროვნო უნარები და გაზარდოს სასწავლო პროცესში მოსწავლეთა ჩართულობა.
ინტელის ძირითად კურსში მასწავლებლები შეისწავლიან, თუ როგორ შექმნან ტექნოლოგიებით გამდიდრებული სასწავლო პროექტები, როგორ განსაზღვრონ მათი მომზადებისათვის საჭირო სავარაუდო დრო, როგორ იმუშაონ სასწავლო პროექტის გეგმაზე.
